Ushqime
Misioni
Të japim shembull praktik se të rejat muslimane janë të afta të akomodohen me rrjedhat
e gjithmbarshme shoqërore, duke dëshmuar në praktikë se mund të zhvillojnë aktivitet
të organizuar dhe t’i realizojnë synimet dhe misionin e vet në mënyrë institucionale
Vizioni
Të bëjë ngjalljen e veprimtarisë kulturore islame te femrat, si vlerë me karakter
mbarënjerëzor
Ushqime
Torte me hurma
Në fillim vendosni hurmat, lëkurën dhe lëngun e limonit në një tenxhere ku keni hedhur 90 ml. ujë.
11.01.2010
Materialet për 8-10 persona
* 250 gr. hurma pa bërthamë
* lëkurë dhe lëng nga 1 limon
* 2 banane të pjekura
* 200 gr. gjalpë i butë
* 180 gr. sheqer
* 3 vezë
* 230 gr. miell për kek
* 1/2 luge kafeje bakin
* feta molle (të cilat do të sheqerosen me 3 lugë gjelle sheqer)
Përgatitja
Në fillim vendosni hurmat, lëkurën dhe lëngun e limonit në një tenxhere ku keni hedhur 90 ml. ujë. I zieni atë për 5 minuta, derisa hurmat të zbuten. Më pas i rrihni në mikser me qëllim që të qullen dhe të bëhen pelte. Në një tas shtypni bananet me pirun, derisa të shkrihen plotësisht.
Rrihni ne mikser gjalpin dhe sheqerin derisa të formohet një masë prej shkume. Shtoni në të bananet dhe vezët dhe vazhdoni rrahjen.
Pasi të keni hedhur në miell sasinë e caktuar të bakinit e kaloni atë nëpër sitë dhe më pas e hidhni në masën e gjalpit dhe vazhdoni ta rrihni në mikser, duke pasur shpejtësi të ulët. Masën e zbrazni në forma të lyera më parë me gjalpë dhe përpiquni të rregulloni sipërfaqen e tyre, e cila nuk duhet të ketë të ngritura apo të ulura. Përsipër shtroni 1/2 e masës me hurma.
Shtroni mbi këtë masë një shtresë tjetër me banane dhe më pas vini përsëri nga masa me hurma. Në fund (shtresa e tretë) duhet të jetë nga masa me banane. E piqni kekun në temperaturën 180 gradë celsius. Pasi të jetë pjekur e hiqni nga forma dhe para se ta servoni e zbukuroni me fetë molle.
———