Parlamenti i Luksemburgut ka dhënë dritën jeshile për ndryshimet kushtetuese me të cilën do të nënshkruhen edhe konventat e reje me bashkësitë fetare. Konventa është me një rëndësi të veçantë për muslimanët e këtij vendi.
Për të parën herë në historinë e Luksemburgut në këtë marrëveshje merr pjesë edhe Bashkësia muslimane. Në fakt Organi përfaqësues i muslimanëve – Shoura, me angazhimin e saj afatgjatë dhe me përkushtim, ka arritur që Islami, si fe e dytë sipas numrit të banorëve në Luksemburg, të njihet nga organet e shtetit.
Konventa e miratuar nga parlamenti jep përfitime të mëdha për muslimanët e Luksemburgut, veçanërisht në aspektin financiarë.
Në fakt konventa parashikon që nga buxheti i shtetit të ndahen 450 000 euro për nevojat e xhematit që funksionon në kuadër të Shouras. Gjithashtu, ligji i ri muslimanëve të Luksemburgut u ofron mundësin e krijimit të institucionit të vakëfit, i cili mund të funksionojë në bazë të parimit të fondacionit.
Sipas këtij ligji, muslimanët që dëshirojnë të lënë vakëf pronën e tyre të patundshme apo dëshirojnë të dhurojnë para për nevojat e bashkësisë muslimane, do të lirohen nga tatimi në bazë të vlerës së donacionit të tyre.
Në periudhën e mëvonshme mund të presim edhe emërimin e Muftiut për Luksmeburgun, njofton portali Identitet.lu.
(Islampress)
