Forumi Rinor Islam, me rastin e manifestimit të Vitit të Ri të Hixhrit 1436/2014, shpall:

KONKURS

Për ndarjen e çmimit SHKENCËTARI I RI I VITIT

Çmimi “Shkencëtari i ri i vitit” ndahet si mirënjohje shoqërore për të arritura të veçanta në çfarëdo lëmi shoqërore apo shkencore.
Ndarja e këtij çmimi ka për qëllim përzgjedhjen e një kandidati me epitetin e shkencëtarit të ri të vitit për vitin 2014, për sukseset e realizuara në një fushë të caktuar, duke shërbyer në këtë mënyrë si një nxitje shtesë për të gjithë shkencëtarët dhe hulumtuesit e rinj në Republikën e Maqedonisë.
Kandidatët duhet t’i plotësojnë këto kushte:
– Të jenë shtetas të Republikë së Maqedonisë;
– Të jenë nën moshën 33 vjeçare;
– Të kenë të kryer arsimin sipëror-fakultetin;
– Të kenë të arritura të veçanta në shkencë.
Me rastin e aplikimit, kandidatët duhet të dorëzojnë edhe dokumentacionin vijues:
– Fletë aplikimin;
– Letër motivacionin;
– CV personale;
– Kopje të certifikatave, punimeve, botimeve apo ndonjë materiali tjetër që vërteton arritjet e tyre.
Përzgjedhjen e kandidatëve e bën Komisioni pesë anëtarësh i përbërë nga profesorë universitarë, i emëruar nga Kryesia e Forumit Rinor Islam. Komisioni në fjalë do ta bëjë përzgjedhjen në mënyrë transparente, në prani të kandidatëve, duke respektuar udhëzuesin për zgjedhjen e Shkencëtarit të ri të vitit. Udhëzuesin në fjalë kandidatët mund ta marrin në adresën elektronike: www.fri.org.mk
Informata shtesë lidhur me konkursin, kandidatët mund të marrin përmes emailit: info@fri.org.mk
Ose në numrin e telefonit: (02) 3233 659
Aplikimet duhet të dërgohen më së voni deri më 20.10.2014, në adresën e Forumit Rinor Islam:
 
Rr. Krste Misirkov nr. 57a lok.3
1000 Shkup, Republika e Maqedonisë
Ose përmes emailit: info@fri.org.mk
 
Fletaplikimi – Shkencëtari i ri – Hixhri 1436-2014
UDHËZUES – për përzgjedhjen e shkencëtarit të ri të vitit Hixhri 1436-2014
 
Komisioni për ndarjen e çmimit “Shkencëtari i ri i vitit”