Forumi Rinor Islam organizon tribunë shkencore me temë
“Nevoja e shkencave ekzakte ne shoqerite shqiptare”
Ligjerues është Valmir Krasniqi, student i spikatur i lëmisë së matematikës nga Univerziteti i Prishtinës. I quajtur shpesh si gjeniu i Kosovës, falë zgjidhjes së disa problemeve matematikore të cilat nuk kishte arritur ti zgjidh askush deri atëherë edhe atë në moshë vetëm 20 vjeçare.
Tani lidhja e tij me Albert Ajnshtajnin është vetëm 4
Einstein Number: 4
Valmir Krasniqi – Hari M. Srivastava – Leonard Carlitz (1907-1999) – Ernst Gabor Straus (1922-1983) – Albert Einstein (1879-1955)
Biografinë e plotë të tij mund ta lexoni më poshtë.
Data: 16.05.2013 ( e enjte )
Koha: 12:00 h
Vendi: USHT- Shkup
 

Biografia oficiale e Valmir Krasniqit
Valmiri është matematikan dhe anëtar në ‘Kosovo’s Scientific Publication Institute ILIRIAS’. Synimi i tij është krijimi i kushteve profesionale për publikimin e hulumtimeve shkencore në Kosovë, qofshin ato në Universitete apo edhe nga institucionet e ndryshme. Autor i më shumë se 30 punimeve shkencore, prej tyre 19 te publikura në revista me recension ndërkombëtar, dhe më shumë se 15 punime në shqyrtim në revista të ndryshme ndërkombëtare. Së bashku me profesorin e mirënjohur nga Spanja Jose Luis Barerron, Valmiri është kryeredaktor i revistës ndërkombëtare MathProblems, revistë kjo e cila merret me shtjellimin e problemeve të ndryshme nga Matematika, pastaj menagjer editorial në revistën ndërkombëtare të kërkimeve shkencore “Journal of Inequalities and Special Functions”, pjesëmarrës në disa konferenca ndërkombëtare të nivelit më të lartë shkencor, së fundi në konferencën e 6 ndërkombëtare në Transform Methods & Special Functions’2011″ në Sofje te Bullgarisë, po ashtu është pjesë e bordit shkencor në konferencen nderkombëtare “1st International Western Balkan Conference of Mathematical Sciences (IWBCMS)”. Ai është bashkëpunëtor shkencor me më shumë se 8 profesorë ndërkombëtarë, së fundi ka bashkëpunuar me dy profesorët më të respektuar të analizës matematike, profesor Hari Srivastava dhe profesor Sever Dragomir. Valmiri ka bërë referime shkencore për disa revista të shtëpive botuese Springer dhe Elsevier, së fundi i është dhënë hapësirë në revistën Romune “Octagon Mathematical Magazene” të publikoj shkrime të rregullta nga teoria e pabarazimeve. Aktivitetet e Valmirit kanë qenë të përqëndruara në zbulimin e talenteve të rinj, ishte pjesë e projektit atom, po ashtu ekipit kombëtar të matematikes i ndihmoi me disa ligjerata nga teoria e ekuacioneve funksionale.