Përcjellja e ramazanit

Sot është dita e Bajramit, dita  kremtimit të asaj periudhe të bujshme një mujore të Ramazanit me adhurim, veprim konstruktiv, aktivitete produktive, pastrim të shpirtit dhe ngritje në piedestalet më të larta të botës morale dhe shpirtërore.
 
Pa kufij e falënderojmë Allahun e madhërishëm i Cili na mundësoi që muajin e Ramazanit ta kalojmë me agjërim, adhurim intensiv dhe aktivitet të bujshëm fetar. Krahas pesë kohëve të namazit, e falëm edhe namazin e teravisë, po ashtu edhe namaz tjera vullnetare-nafile, e në veçanti në dhjetë ditët e fundit të Ramazanit e falëm namazin e natës; e kemi shpjeguar Kur'anin ma tepër se çdo herë, i kemi çuar salavate edhe ma tepër të dërguarit të Allahut-Muhamedit [sal-lallahu alejhi ve sel-lem], kemi qenë më të bashkruar se çdo herë, kemi qenë unik në veprimet, mendimet dhe ndjenjat tona. Në të gjitha anët e botës, muslimanët janë ngritur në syfyr, kanë bërë iftar, kanë falë teravi, xhamitë kanë qenë përplot me xhemat, dhe kjo flet për begatinë e unitetit në muajin e bekuar të Ramazanit.